蔡一智昨日接受「巴巴閉邊個夠我查篤撐」電話訪問，對於太太周雪芳為蔡家誕下慈姑椗，阿智仍難掩喜悅之情表示非常開心。看着BB出世的阿智以「天崩地裂、好震撼」來形容，並親自進行「剪綵」（臍帶）儀式。
阿智透露因工作太忙，要請陪月來照顧妻兒。問到「細官」取名未？他笑言大女提議叫Pat Choi（白菜），細女則指應叫Paul Choi（棵菜）。再問可會追多個？阿智笑言：「呢個要問番太太嘅意見，生BB唔容易，懷胎十月又唔可以病。如果佢可以，我亦可以協助出少少綿力嘅。」