女星鍾楚紅（紅姑）前晚身穿deep V晚裝出席慈善圖片展活動，喜愛攝影的她說相機是好伴侶，她坦言試過在空曠地方被日曬雨淋：「嗰度得棵樹，突然行雷，喺同一天空下，冇得避。」以往她曾辦過以《生命與死亡》為題的慈善攝影展，對死亡有否恐懼？她說：「唔驚，生死有命，睇得開。」至於有否與好友周潤發交流拍照心得？紅姑謙稱：「唔敢，佢太專業，但有睇過佢搞嘅相展。」
