莊王戀成形 郎有情有妾有意
莊思敏與皮草大王太子爺王大業（Andy）傳緋聞，兩人前晚在活動中碰頭，除了談及對方還大方合照，Andy直言不排除有發展可能，莊思敏則暗示他應主動展開追求，看來「莊王戀」大有機會萌芽。
前晚莊思敏與Andy前後腳出席中環LANDMARK MEN活動，當晚的嘉賓還有何猷亨、Jessica C.（JC）、林莉、Alice B.等。首先到場的Andy一早知道會與緋聞女友莊思敏同場：「我知道係我應承嚟呢個活動先，佢係早兩日先知會嚟。（會避忌？）唔會避，合照冇問題呀。（你哋有冇發展可能？）任何人都唔排除呢個可能，好難講。（你覺得佢個人點？）OK，幾nice。（係咪你心儀嗰類型？）自己冇特定話點先係心儀對象，要溝通到，同佢都溝通到。」可會介意女朋友整容與隆胸？他說：「冇諗過呢個問題，大家係朋友，冇諗過咁深入。我又好似冇女朋友有整過！」
做朋友一流
稍後到場的莊思敏指Andy仍未開始追求她，會否想Andy追求？她說：「隨緣，係女仔都想多人追，冇得逼人追我嘅。（會唔會接受佢嘅追求？）假設性嘅問題好難答，做朋友係一流嘅，大家都鍾意食嘢。」正忙於為新書埋尾的她，說寫書時憶起往事不禁哭起來，亦感激被訪者對她的坦白。
文：名人組