林莉氹長者獻歌藝
模特兒林莉與歌手羅力威、張立基、蔚雨芯等出席社區活動，林莉透露喜歡與長者小朋友玩：「今日好開心同咁多位哥哥姐姐一齊玩，一陣會唱《月亮代表我的心》。依家搬出嚟自己住，每星期都會抽時間返屋企食飯。（近排都係忙model工作？）依家上堂學緊catwalk，都幾貴，一堂兩個鐘，每堂都要成萬蚊，但老師讚我好有potential同獨特性，好開心。（今年出寫真？）唔會啦，主力放係model同時裝騷。」
同場羅力威笑言平時較少接觸長者，但入行後學會表達自己，希望今年可以為公司攞新人獎以作報答。