洪卓立粉絲呷醋鬧爆湯怡
洪卓立（Ken）昨日到電台宣傳最新國語大碟《找個懂我的女孩》，問到緋聞女友湯怡是否「懂他的女孩」？他說：「OK啦，大家都有共同話題！今次新碟MV女主角都係佢，不過之後唔會再搵佢拍啦！」原來因為Ken粉絲疑呷醋，以粗口人身攻擊湯怡：「其實啲Fans一直都有鬧我身邊啲女主角，不過今次嚴重咗，所以我搵Fans私下溝通。」
Ken提到日前到印度拍攝旅遊特攝，被當地居民圍觀：「可能我哋膚色唔同，當咗我哋係異形咁睇，由於實在太多人，最後都提早離開。」他又大呻被當地導遊呃錢，最後大隊更飛甩導遊自行拍攝。