吳卓羲「馨馨」我我講到一額汗

吳卓羲、胡杏兒、糖妹等昨日出席劇集《戀愛季節》開鏡拜神活動，之前吳卓羲被傳與緋聞女友張馨予分手，不過男方事後罕有於微博發言，指現時「他倆」很開心幸福，卻一直沒為女友開名。

昨日吳卓羲被傳媒「大逼供」，期間他緊張到一額汗，不過他一如以往不想多講。問到那微博是否代表承認戀情？他說：「講咗啦！唔再講嘞！自己微博講係唔想雜誌亂寫，唔想大家揣測。（確認女友身份？）唔再講嘞！」問到女友是否張馨予時，他默認說：「微博講晒啦，我講邊個大家都知啦！（分手先講？）分手都唔講，等我有新女友先再講啦！（女友要求發微博？）唔係，今次係自發，唔係話要派定心丸。」問二人是否有計劃結婚？Ron表示自己還未到適婚年齡，不論銀行戶口、年齡狀況都未到。

張馨予傳戀上吳卓羲後行為高調，卻未能獲對方開名「認頭」。（資料圖片）

杏兒凱旋歸來，獲樂易玲及新劇拍檔齊齊祝酒恭賀。

杏兒瞄準韓國

至於剛於《2012華鼎亞洲演藝名人頒獎禮》中奪得「中國最佳電視劇女演員」的杏兒，獲高層樂易玲即場獻花，她指《怒火街頭》、《萬凰之王》都入圍了「第七屆首爾電視節」，希望再下一城：「都想去韓國見識吓，知道佘詩曼之前都去過。（加薪？）錢唔係最重要，要睇製作、對手、劇本。」

文：影視組