Rainbow怕譁眾取寵惹是非

今年有份參加寫真戰的o靚模組合冬甩，成員Rainbow（胡心諾）昨日為有份投資的意大利餐廳做宣傳，獲師妹Ar Yu、Elke及Elise撐場。低V盡騷左右半球的Ar Yu更露紅色bra帶搶鏡，將密實Rainbow比下去。
（左至右）Ar Yu、Elke、Rainbow、Elise<BR>Rainbow首次做老闆，師妹當然要出席撐場。
（左至右）Ar Yu、Elke、Rainbow、Elise
Rainbow首次做老闆，師妹當然要出席撐場。

首次做生意的Rainbow說：「約三個月前入股咗呢間餐廳，用咗幾多錢要保密，五至六位數囉。（做咗老闆娘開始錫身？）唔係，今年我都出寫真，將來會兼顧生意同model工作。（傳Cammi謝芷蕙最多job，所以你鋪定後路？）我都想多元化發展，始終做model花無百日紅。」

Ar Yu露事業線搶風頭。
  • Ar Yu露事業線搶風頭。

提到黃榕於公眾地方裸體影寫真，Rainbow說：「我本寫真都有街景，但就唔會裸露，公眾地方點都會着番件衫，否則好易引起混亂。況且我哋本寫真走少女味同天真路線，唔會咁樣影。（驚唔驚外界對o靚模印象更負面？）驚o架！咁譁眾取寵！（會睇黃榕本寫真？）冇乜興趣喎！」