黃榕目無法紀郊野裸景

今年寫真戰似乎開始變不出花樣，一味靠露不足以取悅粉絲，參戰o靚模惟有愈影愈激！多位o靚模包括許穎（Phoebe）、模媽Mia（陳靜儀）及冬甩導彈Ar Yu（曾寶玲）先後預告有全裸照，但原來「裸露之霸」是年屆31歲的性感女星黃榕（Gloria）！

向來言行出位的Gloria今年有份投資出寫真，因此瞓身搏到盡，除揼本轉足廿多個Look外，更把心一橫大玩極限「野外露出」，到郊野公園拍全裸照，營造森林女神闖仙境的感覺。

為怕被郊遊人士經過撞見，黃榕僅以五分鐘完成拍攝。	身材激凸的黃榕，不吝嗇拋胸示人。	黃榕的寫真集例牌有出浴照。

僅黐乳貼玩快閃

當日Gloria先影泳裝相，熱身過後便拍攝重點全裸照。當時她上身只得兩塊乳貼，下身更是剝清光，倚樹幹擺出唯美性感甫士騷Fit爆身材，激露事業線及股罅！尷尬的她做每個動作均非常謹慎，不敢「腿張開」怕走光，不用埋位時更即披上外衣及毛巾蔽體。

為免「曝光」時間太久，眾人開Turbo快閃完成，但已令Gloria難受不已。她說：「真係好怕醜！影5分鐘好似影咗幾個鐘咁！（畀人睇蝕晒？）的確係有男攝影師同工作人員，但現場太熱又多蚊，都冇晒心機，期間助手仲摑我，原來係幫我拍蚊，大家只係諗快啲影完！」

提到有花絮相疑似露毛及「走陰」，Gloria直言今年挑戰個人尺度，但該輯照片是模仿森林女神，以美感行先，事前亦已做足清理工夫，疑似毛髮只是披肩上的布，「走陰」照片亦絕不會放入寫真集。

美感角度可脫罪

不過，Gloria此舉隨時犯下在公眾地方赤身露體罪。據律師黃國桐表示，任何年紀大於7歲的人士，在多於兩位公眾人士看到的公眾地方裸露，即有機會違法，最高判監15個月或罰款3萬元，但可試循美感角度甩身，證明自己並非賣弄猥褻。黃榕對此解釋，雖然於郊野公園取景，但已圍布以策安全：「其中一面係崖邊，另一面工作人員就圍咗黑布，而且我哋去咗最偏僻嘅角落，唔會無喇喇有人行過，就算有都唔會睇到拍攝過程。」文：影視組