錢國偉和頭酒氹番陳宛蔚
監製錢國偉（Wilson）向來艷福不淺，雖然正印緋聞女友陳宛蔚（Calinda）曾口口聲聲表示不介意，但早前Wilson被指與天使白雲當街餵雪糕，亦激到她生蝦咁跳！為氹回女友，日前Wilson相約Calinda及其契爺、邵氏高層黃家禧食日式火鍋，希望靠長輩出面做和事老令女方息怒。
契爺出面
當晚黃家禧發現有記者在場即表現興奮，他笑言是在擺和頭酒：「Wilson激嬲我契女，我要佢道歉呀！」Wilson聞言即舉酒賠個不是，記者要求他咀Calinda，他未有就範，只肯與女友齊齊錫黃家禧，黃家禧即笑言要契埋Wilson做契仔，Calinda最後亦笑晒，似乎已成功化解一場「酸風醋雨」。
離開無綫
不過，已息怒的Calinda仍「去意已決」飛起Wilson，她將離開無綫，透露事業上有新發展，似不再需要Wilson護航：「我簽咗新經理人，佢旗下有好多一線藝人，所以我好有信心，嚟緊會幫城市電訊拍劇。」Calinda表示已詢問很多前輩意見，所有人都非常支持她。
文：影視組
場地：Roxy