陳煒瞞住老公色誘郭政鴻

陳煒和郭政鴻昨日拍攝《法網狙擊》，煒哥表示今次飾演一位商界女強人，亦是此劇的終極大反派，她亦表示已有5年沒有在劇集內穿泳裝，十分大壓力：「我特登去做機keep fit，磅數亦都輕過之前，我瘦咗6磅，依家110磅。」問到她上圍有否因此而縮水時，她即說：「跌晒啦。（今次墊pad？）泳衣本身都有pad，盡人事啦。」

唔敢提拍床戲

問她拍攝大膽戲份要否向老公備案？她說：「老公有問我拍咩，但我只敢講會拍啲殺人放火嘅戲份，冇講會有泳衣或者床上戲，不過佢八卦會自己睇。」同是選美出身的煒哥，問她有否留意港姐時，她表示覺得湯鎮宗女兒湯洛雯最靚，問她是否睇好湯洛雯贏得比賽時，她說：「由頭到尾都淨係睇到一個，其他嗰啲就唔記得。」

陳煒今次演大反派，與郭政鴻有不少對手戲。

陳煒前晚出席朋友的婚禮，與一對新人有講有笑。

前晚出席婚禮

至於曾和羅慧娟合作拍攝《蓋世豪俠》的郭政鴻覺得娟妹生前是一個十分開朗的人，雖然近年已沒有和娟妹聯絡，但雙方曾碰巧遇見亦有打招呼，他亦表示跟娟妹的哥哥十分稔熟：「我有發訊息問候佢阿哥，真係好可惜。」陳煒前晚亦聯同吳辰君及江美儀出席亞視藝人陳家霖的婚禮。

文：影視組