吳若希財多身子弱
早前練舞時急劇肚痛入院的歌手吳若希（Jinny），前晚出席活動時透露向公司申請放假休養後身體已有好轉，不過報告則未出，她又自嘲財多身子弱：「前排太忙，上個月有6位數收入，好滿意！但依家急步走都有少少痛。（係咪退出紅白鬥？）肯定會退出，好可惜，嗰part舞好sexy，好難得可以營造sexy嘅形象。（怕唔怕無綫詐型？）相信佢哋明白，要同佢哋講聲唔好意思。」
受訪期間，Jinny一度頭暈，需坐下繼續受訪。身穿熱褲騷長腿的Jinny於台上載歌載舞時因太大動作不慎露出黑色打底褲，事後伊人笑言每次上台都做好保護措施：「我唔驚走光，係驚露咗個唔挺嘅patpat啫！」
