阿倫爆阿叻向王晶道歉
陳百祥（阿叻）與譚詠麟（阿倫）前晚到電視城為無綫直播歐國盃講波，支持西班牙的阿叻結果贏了支持意大利的阿倫。二人於節目上與在now台講波的李克勤進行現場連線，當阿叻問到克勤的心水時，克勤開玩笑說：「我估係和嘅，好似你同王晶咁和氣生財吖嘛！」
阿叻於節目更拿亞視股東王征講笑，昨日記者致電身處台灣踢波的阿叻，他謂：「我嫌克勤踩得唔夠盡呀，朋友就係咁玩㗎啦，（拎王征件事玩？）佢請過我飲酒o架，（依家同王晶關係？）我哋一向都係世仇，不過既然係咁，我鄭重向兩人道歉！」
他更事後孔明的透露自己估中了四比○的賽果。另外，阿叻前晚接受訪問時表示與王晶的「罵戰」已像個波一樣已經「圓」（指完）結。而阿倫亦力撐二人已雨過天青，更在阿叻背後笑言：「我睇住阿叻打畀王晶講咗幾聲Sorryo架！」