丘凱敏講心 求婚不重金

靚女主持丘凱敏（Anna）為了以最佳一面示人，出動人情牌，向珠寶商人老友借來價值幾百萬的首飾，讓她佩戴來拍攝節目，Anna表示：「為咗拍攝now《女皇駕到》第二輯嘅opening，我真係出盡人情牌！我依家戴緊嘅頸鏈價值180萬港元，有成16卡嘅鑽石！戒指亦都值幾十萬，戴咗啲咁靚嘅首飾之後，就即刻覺得自己高貴咗、靚咗！」

Anna笑言自己鍾意珠寶因受母親影響：「佢儲咗好多好靚嘅珠寶，仲好想得到佢其中一套翡翠首飾，哈哈！」她又自爆曾花數十萬買鑽飾：「我曾經花咗六位數字買鑽飾！我覺得投資最好買樓或買鑽石，因為可以自用又有升值潛能！」

安於現狀未恨嫁

至於會否要求男友將來以大卡數的鑽戒求婚？愛護男友的Anna坦言：「卡數大細唔重要，最重要佢真心就OK！」問到Anna會否恨嫁？她即坦言：「一切隨緣！其實我好享受現階段嘅生活，同男友閒時一齊去外國旅行、探親，身邊有人愛錫自己就好足夠、好感恩！而且依家又可以寓工作於娛樂，拍攝節目教人扮靚，真係好滿足！」

場地：美麗華酒店

文：李佩珊

攝：唐豁莊