蔡楓華苦練粵曲 滿足歌迷
樂壇前輩蔡楓華（Ken）以黑超形象深入民心，一向型爆的Ken今次玩轉新光戲院，於7月9至11日舉行演唱會，實行以歌會友，更首次於台上獻唱粵曲向新光戲院致敬！感性的他更笑言：「最好日日開個唱，最好日日都唱唔停！」
幾經波折的蔡楓華（Ken）經歷過人間的高潮和失意。Ken為完成31年來的心願，近年為籌備演唱會四出頻撲，卻樂在其中：「我好鍾意唱歌，唱歌係我嘅興趣，係我嘅生命！」音樂路上不斷追求創新的Ken，更自爆非常留意行情：「有好多歌我都有聽，台灣嘅梁靜茹首《情歌》真係唱得幾好，周杰倫首《菊花台》都好正，我唔想令自己嘅音樂退步，唔可以墨守成規，我希望可以每次開演唱會都有首新歌出街！」
穩中求變的Ken表示今次的演唱會是經典加新意，務求令觀眾耳目一新！邀得美國樂隊Metro Vocal Group、文恩澄任嘉賓，Ken笑言是新嘗試新挑戰：「我唔介意同人合作，永遠都會有新火花！」Ken透露將會與Metro Vocal Group於舞台上以廣東話合唱《海闊天空》。
露半面玩驚喜
今次Ken的演唱會決定在新光戲院舉行，原來有其重要意義：「我細個嗰時嚟過呢度，好有感情！今次仲係新光重開嘅第一個騷，仲要唔係大戲，而有英文歌，好新鮮好期待！」據知今次新光重開更隆重其事更換靚音響，務求令聽眾聽出耳油，Ken更配合場地苦練粵曲：「不過我唔會着古裝，因為我覺得自己着得唔好睇！」
黑超作為Ken的Icon，今次演唱會的Poster卻鮮有地露半邊面一隻眼，令觀眾大呼驚喜！Ken開玩笑：「吓？戴黑超唔親民？其實一啲都唔奇特，冇乜問題㗎，X JAPAN都係咁o架啦！」
被爆有女朋友
問到被傳患有精神病，Ken嚴肅自白：「我要重申多次，蔡楓華精神從來冇問題，點解會有呢個傳說？對蔡楓華嚟講絕對係唔公道！誣衊一個人一啲唔真實嘅嘢，我會用我自己行動去表達，我覺得香港誹謗條例冇用！」
作為音樂總監的周啟生笑言今次落足本錢，更出盡全力支持Ken。他透露今次因無dancer，音樂會更豐富，Ken更會用結他自彈自唱經典金曲。他更大爆Ken現時有一個女朋友和兩隻狗，生活得十分開心，亦開始接受別人意見而改變。
文：音樂組
攝：司徒國榮
場地：新光戲院