諸葛結婚百日等老公送驚喜

「薛王妃」諸葛紫岐（Marie）、黃日華千金黃芷晴、麥浚龍前女友模特兒戴庚玲（Janine）及韓模蔡恩真昨日出席手袋品牌活動，春風滿面的Marie透露昨日是與老公薛嘉麟（主席）結婚第100天，坦言希望主席給她送上驚喜：「好特別嘅節日，過咗就冇㗎喇！」她謂已準備了禮物，又大晒恩愛指主席是101分好老公，還透露早前兩人到美國旅行，問到有否乘機造人？她笑言：「唉呀，唔好成日問！有好消息一定講。」至於何時出碟？她說：「希望請到倖田來未的監製錄歌，亦都會搵男女成員組隊。（怕人呷醋主席放多資源喺你度？）絕對唔會，依家忙緊HotCha，跟住鄭融，我仲問幾時到我出碟呀！」