Yuna摩打腳 跑極唔粗
染了一頭啡髮的許穎師妹Yuna以小野貓形象出道，她自誇身材全天然，更是長跑好手「腿功一流」，她笑言曾刻意做運動望有粗腳，但天生麗質一雙美腿操極唔肥。
火辣𡃁模許穎（Phoebe）靠身材及寸嘴上位，其師妹Yuna（郭婉霞）亦不執輸，今夏將推出寫真搶攻宅男市場，擁34C上圍的她自信心十足，自誇身材全天然，明寸有𡃁模「打假波」，問到最滿意哪部分？她說：「整體都滿意，因為係真材實料，最鍾意係小腿，上鏡幾靚又有線條。」
不過，Yuna多年前竟有特別想法，認為粗腿比較吸引，因此狂做運動兼踢波：「對腳一直好瘦，着校服裙畀人話似筷子，我好唔鍾意，所以去練跑想整粗佢。」誤打誤撞下，Yuna變身長跑好手，可幸一雙美腿仍Keep得優美線條。
長跑好手屢破紀錄
提到運動戰績，Yuna表示讀書時曾勝出各區的中長跑賽事，更多次破學校紀錄，堪稱「摩打腳」，問到有否因此吸引異性目光？她說：「因為每次上台都企最高，全校都知，當然引到唔少人注意，亦有好多男仔追。」
今夏Yuna將出寫真挑戰個人性感尺度，勢要令宅男噴鼻血！她說：「之前做Model只影Fashion，着比堅尼同內衣真係第一次，絕對係豁出去！（點準備？）每日幫自己胸部按摩15分鐘，效果幾滿意。」問到有否參考Phoebe的寫真？她竟寸埋師姐：「其實我冇睇佢，話晒我第一次出！大家睇我都夠啦！」
Profile
姓名：郭婉霞（Yuna）
三圍：34C、24、34
出生日期：1989年10月26日
年齡：22歲
身高：1.7米
體重：47公斤
文：立影
攝：劉智源