羅力威同羽翹啱key 撻得着

實力新人羅力威因參加歌唱比賽而一鳴驚人，惜前經理人公司對其音樂事業幫助不大，令他2年來都沒機會推出唱片，直至得英皇賞識簽為力捧歌手後，他除有機會推出首張唱片一圓出碟夢，並於8月舉行一連三場演唱會。問羅力威開騷心情，他說：「唔緊張，好輕鬆，喺演唱會度我會多唱自己嘅歌，因為我想有自己嘅風格。」

談及其處男唱片，以非K歌為主，問他是否愛唱較高難度的歌曲？他就話：「我鍾意特別啲、有自己風格嘅歌，有啲歌係2年前作嘅，不過未有機會推出，我交畀公司試聽時，佢哋話可以，有叫我再寫過。」

羽翹唔撐羅力威撐無綫。

羅力威曾大膽牽着羽翹的手。

靈感隨時湧現

羅力威又說作曲對他來說零難度，直言曾試過一天作一首歌，問他作歌有何竅門？他就話：「我夜晚落街行吓，睇吓電影都有好多靈感，會將啲畫面變成音樂。」羽翹自爆新歌《了不了》是他的作品，他聞緋聞女友名字即面紅，強調非拍拖，《了》歌亦不是外傳的定情歌，他說：「只係咁啱作畀佢啫，我同佢係音樂上嘅朋友關係。」

幫理不幫「親」

至於羽翹前晚出席無綫錄影時，問到羅力威曾一度被踢出《2012翡翠歌星紅白鬥》一事，她直指做法合理：「始終無綫、亞視都有呢個問題，過吓冷河好啲，（唔撐羅力威？）我係簽咗TVB藝員約，（安慰佢？）唔使啦，佢咁大個人會自己處理，相信佢公司會畀最好嘅嘢佢。」

採訪：音樂組

髮型：Jack Hung@CHIN.G

服裝：HARE/Collect Point

場地：CHIN.G