王祖藍日前突然轉電話號碼，記者最終要透過助手傳話才能成功取得聯絡。祖藍受訪時透露近日被電話騷擾：「呢排成日有人打嚟唔出聲，本來呢啲都冇咩嘢，但諗諗吓依家電話號碼可以用嚟做好多其他用途，為免夜長夢多，先決定轉。」
祖藍又指今次轉號碼未有主動通知任何朋友，並搞笑說：「搵我唔到可以call我助手，到時我再覆番佢哋咪一樣，嘻嘻。」
