湯洛雯壓力爆煲 隊涼茶降火
「是非港姐」湯洛雯及李渼琦昨午與十二名候選佳麗由倫敦返港，湯聲稱與李冰釋前嫌，更揚言有壓力亦不會退選，之後換過便服的她與好姊妹陳潔玲、林泳淘同往買下火飲品，明顯心火未消！現場所見，眾佳麗結伴離去，只有李渼琦變孤獨精，似乎爆大鑊爆出禍。
是非一籮籮的十四位港姐候選佳麗，抵港時穿上大會風褸見傳媒。捲入「內衣褲風波」的湯洛雯及李渼琦，經傳媒要求才勉強合照，但卻拉陳潔玲及尤蔭蔭落水；相反湯與好姊妹陳潔玲及林泳淘合照時卻有講有笑兼互相整理衣服，誰是真假朋友一目了然！
「冇講過我蝦佢」
湯洛雯受訪時仍死撐與李渼琦已冰釋前嫌，並反過來為李講好話，力挽插水形象：「佢話避開我可能係驚我唔開心，我哋都覺得係誤會，李渼琦話冇講過我蝦佢，我有安慰番佢，話我唔介意，叫佢都唔好唔開心。可能佢中文唔好，表達錯咗，我唔覺佢會咁諗我。」
湯沒有向家人訴苦，亦不覺得遭其他佳麗圍攻，雖然壓力大但不會退選：「開始咗唔想咁易放棄。（睇清楚某啲人嘅真面目？）唔會咁諗人。」她強調與李仍是朋友，並拋書包說：「人之初，性本善，嚟緊仲要見多個幾月，做番朋友好啲。」湯更一再強調沒有亂丟內衣褲。由於湯戴着黑框冇鏡片眼鏡，是否哭過？她否認說：「只係有啲攰。」
李渼琦變孤獨精
傳媒面前表現鎮定的湯洛雯，「散場」後與陳潔玲及林泳淘換過便服到機場商店掃貨，湯一支箭標往買下火飲品，明顯心火未消！之後林先行離開，湯、陳一起打的返「閨」。
「金手指」李渼琦雖曾強調過檔尤蔭蔭組別後「超開心」，但尤離開時卻只叫了卞曉帆與王舒銳同行，未有理會李，慘變孤獨精的她只好愁爆傾電話！之後李在一男一女接載下離開，返回窩打老道逾千萬豪宅休息。
港姐大起底
爆料熱線：3600 1022
爆料傳真：3600 1000
爆料email： entertainment@opg.com.hk
文：影視組