陳霽平簽王維基多發揮

陳霽平昨日出席活動時透露已轉投王維基旗下,她說:「簽咗兩年騷約。(薪酬比起喺無綫時多幾多?)超過兩倍,喺新公司自由度大好多,下個星期就開始拍新劇,角色同平日嘅自己好唔同,係相反嘅,不過詳情就唔講得住。簽咗新公司後,工作機會比以前多咗好多,佔戲亦都更重。以前無咩發揮,嚟嚟去去都係嗰啲角色。」