歌手方大同昨日到電台宣傳新歌，由於歌曲內容講野蠻女友，擔不擔心令人聯想到緋聞女友薛凱琪（Fiona）就是野蠻女友？大同維護對方說：「冇所謂啦，佢又唔野蠻，只係情緒化。」對於有傳古巨基與商台高層關係密切，有望在年底的《叱咤頒獎禮》上揮低死敵陳奕迅奪「男歌手金獎」，大同說：「我冇黨，只係華納同素食黨。」他沒有想到頒獎禮會否變質，只一心做好音樂。由於他右頸紅了一大撻，被多人追問的大同否認是咖喱雞：「梗係唔係啦，濕疹嚟咋！」
