尤蔭蔭：底褲亂丟嗰個！
對於湯洛雯恰爆李渼琦，「塘邊鶴」尤蔭蔭亦看不過眼暗示有人恰得就恰：「有啲人做嘅嘢我睇唔過眼，專恰一啲比較純嘅佳麗。（係咪指李渼琦？）係，之前我同佢唔同組保護唔到佢。」雖然尤蔭蔭不欲開名指出恰人者是誰，但矛頭直指湯洛雯：「咪底褲亂咁丟嗰個咯！」湯洛雯反擊謂：「之前拍嘢都唔一齊，佢（尤蔭蔭）點知咁多啫！」
之前在官網留言指因要參加港姐外景缺席UCLA大學畢業禮遭網民狂插，尤蔭蔭寸爆謂：「畢業禮我都好想去，二揀一先揀咗港姐。我第時再讀碩士都有畢業禮o架。」有網民狂插她樣衰，尤蔭蔭不怒反笑謂：「多謝喎，咁都無辦法，如果我真係咁醜，去唔到呢個階段，選港姐係選美貌與智慧並重嘅。」
尤蔭蔭昨日現身時雖繼續寸爆，但卻指自己一無所知。與湯洛雯友好的陳潔玲否認扮純情：「無啲咁嘅事（爆粗？），如果有人想詆毀我，應諗啲make sense嘅。」
港姐大起底
爆料熱線：3600 1022
爆料傳真：3600 1000
爆料email： entertainment@opg.com.hk