Ana R.組3A睇波團掃衫掃糧

日前Ana和兩位師妹伍靜麗（Angie）及Asha以「三A」姿態，以短裙及熱褲現身銅鑼灣晒腿「濕平」。「三A」全程傾不停，Angie更恍如足球員上身般踢腿外，更在Ana一聲令下，齊齊步入運動服裝店。「三A」在店內目標一致，集中選看波衫，揀完一輪後各人即時扑錘買下，並環保至上，棄用購物袋，把戰利品塞在手袋就走人。之後，「三A」轉戰到大型超級市場，並不斷狂掃花生、薯片、汽水啤酒等小吃，而向來注重健康的Ana，更選購麥皮等健康食品。

鍾意靚仔球員

事後Ana接受電話訪問，她說向來雖然非死硬球迷，但歐國盃為四年一度的全球盛事，故約兩位師妹入定貨儲糧，以一起睇波。Ana說：「嚟緊我最期待，當然係葡萄牙對荷蘭呢場，我捧硬葡萄牙國腳C朗！除咗我喜歡靚仔之外，因為我部分血統係西班牙，所以對拉丁裔男士特別情有獨鍾，C朗咁好腳法，當然更加完美！」她笑說過往曾有足球員展開追求，可惜身高問題最後也未有促成情緣。

Ana（右起）與Angie、Asha到超市掃食物，為睇波儲糧。

Ana踎低揀食物，毫無名模架子。

Angie自認波「癡」

另外，Angie笑言是波「癡」一名，即使對足球一無所知，但為了每晚陪男友睇波，現在惡補波經，實行投其所好冧男友！而身為英格蘭粉絲的Asha直言和Ana一樣，看好葡萄牙！

文：專案組