王璐瑤爆余文樂 多短訊女
三級女星王璐瑤（LuLu）近日被爆出與余文樂互傳露骨情慾短訊，LuLu昨出席足浴按摩店活動時，直認拍戲時與樂仔認識及交換過電話，並短訊來往維持了年幾。但樂仔卻表示不認識她？她說：「識唔識睇佢啦，可能佢有好多呢種關係嘅女仔朋友。（咩關係？）短訊關係。」
由於樂仔在短訊中表示自己睇四仔和打手槍（自瀆），問到彼此有沒有更激內容？LuLu即表示不想講得太詳細，因始終是私人事，還強調跟對方沒有發生過任何關係：「我對成日講呢種說話嘅男仔有保留。（佢成日約你去佢屋企？）佢話要上嚟我屋企，但我唔係咁隨便。」又表示沒有跟對方影過任何情慾相片。
顏后君拒回應
此外，當提到樂仔指她博宣傳？她即寸爆對方：「色字頭上一把刀，牛唔飲水唔㩒得牛頭低！」她又聲稱沒有積極回應樂仔短訊，即被反問不積極回覆何解可以維持聯絡年多時間？她就表現得支吾以對。又表示對方曾叫她交換相片，最終她只給了對方工作照。同場的o靚模鍾蕙芝則表示沒有男星邀她玩短訊。至於早前被拍得在北京街頭與北京演員張赫擁抱，她解釋是Goodbye Hug。
此外，另一o靚模顏后君（Ceci）就被指夜會樂仔，昨日她接受電話訪問時表示不想再回應事件：「驚畀人以為我博上位，佢係大明星，講咩都得，佢係artist，唔想破壞佢形象，（佢有冇send情慾短訊畀你？）呢啲係私隱，唔回應啦，唔該晒。」
文：名人組