吳雨霏母愛決堤 「男友」傍實
歌手吳雨霏前晚舉行音樂會，獲緋聞形象指導男友馬天佑全程陪住，當她與被遺棄的韓籍失明小鋼琴家柳藝恩合作時一度感觸落淚，吳雨霏透露近日因照顧對方搞到母愛氾濫，揚言有意領養小朋友。
吳雨霏（Kary）早前被本報拍得與緋聞男友馬天佑「濕平」，前晚她舉行音樂會，馬天佑不避嫌坐在第一行睇足全場，身為四大歌手之一的Kary未獲無綫派員採訪。Kary除邀得師妹組合Robynn & Kendy任嘉賓外，更請來韓籍失明小鋼琴家柳藝恩，由於對方身世可憐，Kary說起時雙眼通紅。
柳藝恩為Kary伴奏《二十世紀少年》，唱罷Kary忍不住淚流滿面，場面感人，Kary特別送上迷你鋼琴來報答柳藝恩，還緊握對方的手與歌迷分享音樂，期間Kary兩度親吻對方額頭，柳藝恩亦以廣東話說：「Kary，我愛你。」令Kary感動得眼泛淚光，大會為補祝Kary早前26歲生日，完騷前推出巨型蛋糕。
無綫未有採訪
Kary坦言透過韓籍模特兒崔豪進（鄭欣宜緋聞男友）邀請柳藝恩，她說：「佢身世好坎坷，呢幾日同佢綵排，搞到母愛氾濫，有諗過領養小朋友，唔得就助養。」對於無綫派員採訪四大歌手的周柏豪及方大同，但不派員到場採訪她，Kary說：「係咩？唔清楚。（會唔會覺得無綫大細超？）唔知。」她強調樂意接受任何媒體訪問。
Kary透露早前與家人到泰國布吉過生日，問到為何只上載三點式背脊相？她笑說：「後面有信心啲。」
採訪：音樂組