奇洛晒身手閃避牛屎陣

自抵港後頻頻露面為其自導自演電影《太極俠》作前期籌備工作的奇洛，前日留守酒店小休一日與任達華傾劇本後，昨日又再拉大隊外出為新戲睇景。穿上便服波鞋、頭戴「中影」Cap帽的他先到灣仔某車房視察場地，其後再去新界烏蛟騰山路旁睇景。

新波鞋險中招

面對遍地牛屎，奇洛從容放膽穿插，豈料險中「地雷」！拍慣動作片的他，於臨中招前一刻，突然一個假身靈活避過，力保這對在港購買、落地只有幾天的白雪雪波鞋！奇洛與一行廿多名工作人員在現場不停視察，見他拿着印有撞車場面連環圖的畫冊細心研究，未知是否打算在烏蛟騰拍攝連環撞車戲份。

模擬撞車場面

據知，為保障劇組，電影公司已買下過億保險，因此奇洛睇景時亦加倍認真，有工作人員用模型貨車及私家車模擬撞車場面給他觀賞，他看後不時給予意見，可見對這組戲異常重視。

休息期間，奇洛跟工作人員食煙及飲可樂吹水，心情靚絕。眾人逗留至下午四時許離開，再抵達荃灣繼續睇景。

文：專案組

攝：追蹤組