吳浩康被出賣 林子善嫌疑大
歌手吳浩康（Deep）組成的男子樂隊Closer昨天出席電台訪問，Deep大爆曾遭同學兼圈中好友「出賣」！由於Deep口中的「好友」背景，與無綫藝人林子善相近，問到Deep所指的是否林子善，他即不置可否！
由吳浩康（Deep）、林健亨（Ryan）等人組成的男子樂隊Closer昨為宣傳新碟出席電台訪問，吳浩康透露他們推出的新碟內容環繞親情、友情等！Deep並自爆過往曾被「好友」出賣，他慨嘆表示：「我有一個由細玩到大嘅同學，佢以前都係拍電影，依家係電視藝員，佢曾經喺背後講我壞話，但又用我個名嚟宣傳，（點樣講你壞話？）佢試過同我身邊人講『同佢（Deep）行埋會累死你！』我估唔到呢句說話會出自佢把口！」
「可能hurt過佢」
由於事過境遷，Deep受訪時態度一直保持淡定、未有動怒：「姑勿論佢講嘅係真定假，作為朋友如果覺得我有問題嘅話，係咪應該親口同我講？」Deep坦言經此一役後，令他思想更成熟：「我覺得佢咁講其實我自己都有責任，我會反思，可能係我以前曾經hurt過佢！」
曾是中學同學
無獨有偶，於《喜劇之王》飾演洪爺一角而為人所熟悉的無綫藝人林子善，曾透露Deep是他的中學同學，與Deep口中「好友」的背景不謀而合，令人不免懷疑Deep所指的「好友」就是林子善。事後本報向Deep查詢，所指的「好友」是否指林子善時，他即不置可否表示：「唔再講呢啲嘢！」而林子善則在截稿前仍未有回覆。
文：專案組