陳潔玲轉Punk 搣甩陳妍希

《2012香港小姐競選》前日繼續在倫敦拍外景，16位候選佳麗以背心短裙到Carnaby Street取景，引來不少外籍人士圍觀及影相。

早前以清純形象示人的「瘡版陳妍希」陳潔玲形象突變，將一頭短髮Gel起，略帶Punk味，在一眾長髮佳麗中成功出位，她說：「髮型師唔係特別錫我，可能我平時短髮冇變化，太細路女，所以為我梳呢個頭，我都好鍾意，個人精神啲。（唔再似陳妍希？）我都想有自己特色。」

眾候選港姐以短裙仔上陣，在倫敦街頭拍外景。

被當地人士圍觀影相，佳麗都十分受落。

對於有指陳潔玲整容，她澄清冇諗過要整容，但不會反對其他人加工：「我由細到大都係咁樣，靚咗可能係學識化妝，爆料人隨便拎啲相就話我整容，我一直都係雙眼皮，參選時評判都話我鼻大，可能我打咗鼻影，視覺上唔同咗。」她又笑言計劃「絕食」及練縮肚來準備泳裝環節。

鍾麗嫌自己下身略肥。

湯洛雯戴兩個Bra慎防走光。

湯洛雯雙Bra護點

另一熱門佳麗兼隊長的湯洛雯，則強烈否認日前拍攝時凸點，她說：「肯定冇可能！我做足防走光措施，乳貼、膠紙再加兩個胸圍。（戴兩個Bra唔焗？）唔會焗，總之你估我唔到，我好保險o架！」

至於有洩浴照前科的鍾麗竟自嘲身材不及其他佳麗：「我下盤好肥！（你影慣少衫相？）唔會，泳裝少布又多人睇住，我會唔慣，我自選泳裝都唔係三點式。」而陳華鑫已選定三點式上陣，但否認以性感搶鏡。此外，tvb.com網上人氣榜暫由黃心穎爆冷排榜首。