王敏奕為上位做陪唱
王敏奕（Venus）近日參演杜汶澤執導的英皇電影《DIVA華麗之後》，在片中飾演一名發明星夢的o靚妹，為求上位不擇手段，她說：「成個角色都係一個悲劇，為咗演出機會咩都肯！（咁你覺得自己幸運嗎？）好好彩有麥曦茵幫我好多！好多電影都有佢幫我傾番嚟！」
王敏奕首次參演電影《烈日當空》即被列為三級片，當年只得十四歲的她在首映即場被職員趕走，氣得導演麥曦茵拉隊離場。年僅二十歲的她坦言能夠實踐理想艱難，更明白角色感受：「佢只係好鍾意唱歌，即使最後做唔到歌手，就算做陪唱都只係想唱歌！杜汶澤亦教我做呢類戲點培養情緒，好細心！」
場地：Bread and Butter