曾善美42吋 索腿女神

性感女神陳靜師妹o靚模曾善美（Mei Mei）與同門的郭穎兒（Celia K.）今年首次推出處女寫真集，她於寫真集中除晒事業線外，她亦會力Sell其秘密武器「42吋長腿」，她說︰「我有睇過自己嘅寫真相，我好鍾意坐喺梳化嗰輯，因為騷胸外又可以騷到自己嘅長處。」

老闆都讚

面對暑假的一輪胸戰，平時甚少晒事業線的她直言未驚過，實行要於夏天「大解放」，她說︰「我對自己嘅身材好有信心，唔怕其他人嚟挑戰，鬥事業線我唔會輸！」她更乘機暗寸一班只以事業線作賣點的「胸」模，指自己可以長腿搵食，揚言要做「索腿女神」，她說︰「其他人經常將個焦點放喺個胸度，其實真係好悶，所以我會以自己對長腿做賣點，一雙美腿都可以引死男仔啦！而且公司老闆都讚我條腿全公司最靚。」

唔怕比較

而為keep住弗爆身材，Mei Mei早前進行地獄式減肥兼谷胸，雖然現在已拍完寫真，但她為求身材不要走樣，故她坦言每星期都會抽空去做健胸療程，力保C cup上圍。提到拍檔Celia K.已有戲接拍，她直言不會擔心及比較，並指其長腿更勝一籌，說︰「我覺得大家有唔同優點，對自己嘅長腿好有信心，相信可以靠一雙腿喺呢行走天涯。」

文︰專案組