Mia嘴角漏奶明抄娜姐
當年周秀娜寫真開創唧牙膏滴落胸先河，意識極度踩界，萬料不到其師妹陳靜儀（Mia）照辦煮碗，將意淫推向極致！隨着Mia單飛寫真照曝光，身為模媽的她竟將一口白色忌廉溝鮮奶，從嘴角流落四吋事業線，還擘髀在廚房亂Un，勢吹AV淫風。
雖然今年寫真戰沒有周秀娜、Angelababy等頂級o靚模坐鎮，但不代表沒有睇頭，一眾加入戰團的o靚模已磨「臀」擦掌拍好寫真，待書展「胸」群出擊，誓取寫真女王地位。有辦你睇娜姐2009年處女寫真《Kissy Chrissie》玩攬枕不特止，連唧牙膏滴雪糕落胸等踩界動作都做埋，成為一時佳話！身為師妹的Mia今年單飛出擊，不但沒有收斂，反而把寫真推向AV化。
離奇愈變愈靚
Mia寫真照絕密曝光，繼之前傳過會玩謝林峯和潘霜霜影床照後，女僕造型閃卡相信必令宅男睇到O嘴！有娜姐珠玉在前，沒有最激，只有更激，Mia假借整蛋糕為名，穿上女僕衫擺盡AV甫士，擘髀跪地之餘，更將忌廉溝鮮奶注滿嘴角，利用地心吸力把白色鮮奶流落四吋事業線，噴血程度比娜姐有過之而冇不及。
據知，身為一對仔女之母的Mia在寫真內還有更激演出，有着衫的會玩Cosplay，冇着衫的會一絲不掛玩人體刺身，意識如此大膽及重口味，未免會教壞細路，勢必「包膠」兼被衞道之士狂插。與此同時，曾被指整容的她五官愈來愈精緻，平面方角面變成「V煞」篤穿紙；從前的豬膽鼻，如今比間尺還要直；只有B Cup上圍的她，更離奇谷出四吋事業線！看來為了今次寫真，Mia下了不少苦功。
唔覺教壞細路
Mia接受電話訪問時不認寫真意淫，她說：「每個人睇法都唔同，點睇好睇個人感覺，有人只會覺得靚，亦有人覺得意識太踩界，我控制唔到。總之我寫真只係賣性感，以靚為主，賣意淫我唔會做o架！」Mia又稱從不會跟小朋友談公事，故這輯相也不會給子女過目，她說：「我好少同小朋友解釋自己工作，我同佢哋有好多偈傾，冇必要返屋企都講工作。佢哋只知媽咪係模特兒，仲好proud of我！」問將來會否首肯女兒拍寫真？：「如果小朋友將來要拍，我唔會反對囉！我會強烈要求個女身形要靚先好去影，一定唔會反對。反而我會叫佢唔好咁早生BB，免得被人歧視，我就係好例子。」
Mia強調絕不覺寫真教壞細路，如果尺度太大膽，小朋友也沒有機會買來欣賞：「如果本寫真係一級就冇問題啦，如果要包膠，咁小朋友都睇唔到啦，我唔擔心喎！」
牙膏VS鮮奶
威水史：2010年以新八模成員出寫真，雖已為人母，仍保持美好身材。今次出寫真，更將娜姐唧牙膏的經典甫士，改為忌廉溝鮮奶滴胸。今年她有份參演《喜愛夜蒲2》，與娜姐男友陳偉成有激烈床戲。
姓名：陳靜儀（Mia）
年齡：23歲
三圍：32B、23、33.5
威水史：2009年推出首本寫真集《Kissy Chrissie》，以滴雪糕和牙膏甫士引起全城熱話。前年她除出寫真外，亦推出3D特輯影碟，近年更擔正多套電影包括《婚前試愛》及《熱浪球愛戰》等。
姓名：周秀娜（Chrissie）
年齡：27歲
愛情史：與模特兒男友陳偉成拍拖多年，感情穩定。
文：專案組