松岡失袋傷膝仍嗌好彩

日模松岡李那(Linah)十分「大頭蝦」,早前把手袋遺留在的士上,結果痛失iPhone、銀包、化妝品及鎖匙。她無奈地說:「我以為朋友拎住我個手袋,但原來佢冇!所以我就即刻跑去追架的士,結果仲跌親,整損咗膝頭!」她表示當時找了一名正在街上巡邏的警察求助,誰不知對方只幫她清理傷口,並叫她返回家中休息。樂天的她安慰自己說:「我本來諗住拎Chanel手袋出街,好彩最後冇,而且我又冇帶證件同信用卡出街,都算係不幸中之大幸!」

另外,日前發現她與前男友Ground zero設計師兼老闆Philip Chu撐枱腳吃午餐,問到二人是否舊情復熾?她大方回應:「嗰日佢啱啱喺北京返嚟,所以一齊食飯啫。(有冇機會翻撻?)暫時應該冇,依家以工作為先。」