LisaS.自爆臭史 直認狐仙

郭錦恩在英文電台開咪擔任主持，內容大膽入肉，邀請嘉賓訪談有關同性戀、性、體臭、性商店等較敏感題目，Lisa S.亦曾多次應黃佩霞之邀任嘉賓。前晚該節目舉行「女人，想要甚麼？」派對，郭錦恩除邀請Lisa S.及黃佩霞出席外，更讚Lisa大膽又敢言，事緣有一集談及臭狐話題，兩女傾足個多小時，她說：「Lisa都話自己有，可能佢係外國人夠膽講，我覺得冇所謂，佢又唔係冇沖涼。」不過，因節目內容大膽，郭錦恩自爆已被投訴和「照肺」多次，要她注意字眼。

為模業放棄馬術

而揚言努力造人的Lisa S.未有好消息，但她直認若有小朋友，生活就更美滿。為切合大會主題，她稱「最想要的」是在美國買馬：「細個學咗十年馬術，技術仲可以去參加奧運，但嗰時啱啱做模特兒，公司話騎馬會腳粗，叫我放棄。（有冇後悔？）覺得遺憾同傷心，但冇後悔，如果唔係做model，就唔會得到依家所有嘢，亦唔會識到我老公（吳彥祖）。」

至於黃佩霞則表示最想生多個BB，與現任老公結婚7年的她一直沒避孕，依然沒「造出成績」，因屆「超高齡」故已差不多放棄。

採訪：名人組