祖兒生日求健康

樂壇天后容祖兒日前在司徒拔道香閨外，竟遇上同大廈裝修單位的「天降磚頭」，擊穿其泊在門外的保母車車頂，玻璃窗亦告爆裂，跟死神擦身而過的祖兒昨日到電台受訪時，仍然猶有餘悸說：「真係好好彩，如果當時早5分鐘落樓就中招！」事發時由於只有司機身處車內，祖兒憶述：「司機話當時突然發出一下巨響，仲以為有人跌咗落樓。」祖兒稱事發後媽咪立刻替她還神，又請司機食蛇膽定驚。至於賠償問題，她謂事件已交由媽咪處理，跟涉事的裝修單位交涉，又稱現時出入暫要以自己的座駕代步。

致電杜汶澤賀壽

此外，杜汶澤昨日生日，跟對方老友鬼鬼的祖兒表示已親自打電話予阿澤「賀壽」，她又笑說：「連埋阿澤，尋日我有3個朋友同日生日！（你都係今個月16日生日？）係呀，不過要喺工作中度過，到時要去上海出席電影節，會同Mani食飯慶祝。」談到生日願望，祖兒搞笑說：「既然又死唔去，生日都希望健健康康。」

文：音樂組