Kay：解約舒服晒

謝安琪、黎耀祥及黃德斌等昨日出席新城電台活動，談及與環球的關係時，Kay說早與環球達成解約共識，本月會簽解約書：「今個月就簽，但新公司方面就未有新去向，亦都唔急，同環球告一段落舒服好多，因為冇咁多揣測！」

因了解而分開

Kay與環球解約，但遲遲未決定簽哪間唱片公司，可會擔心予人「吊高嚟賣」之感？她說：「因為呢段時間都有嘢做，交畀經理人處理，揀公司都要時間，好似談戀愛咁，有啲人談戀愛似撞鬼。（你同環球關係似撞鬼？）我哋係因了解而分開，過往都有好多美好嘅回憶。」Kay指「談戀愛似撞鬼」是黎明金句之一，他是自己很欣賞的藝人及老闆，不過她怕醜又被動，不會向黎明自薦。

黎耀祥自嘲走大眾化路線。	張繼聰	左起：謝安琪與新城董事總經理馬健生、黃德斌在活動中碰頭。

同場的祥仔即將開拍新劇，內容講述極端人性，問到是否似《心戰》？他自嘲道：「冇咁高級，我sell開超市大眾路線。」拍畢新劇他希望與囝囝去旅行。

張繼聰將拍劇

另方面，Kay的丈夫張繼聰在事業上就愈戰愈勇，目前他正在內地拍攝擔正男主角的電影，原來他已簽下無綫藝員合約，並演出兩套劇集，包括由王祖藍負責編劇的新劇。對於簽下張繼聰，無綫的製作資源總監樂易玲表示：「阿聰本身有歌手約，依家係加簽藝員合約。」

文：音樂組