「歐國盃」經已開鑼，今晚將舉行第二天賽事，分別是凌晨零時舉行的B組賽事荷蘭對丹麥，以及凌晨二時四十五分開波的B組賽事德國對葡萄牙。眾星對球賽議論紛紛，齊齊估勝負！
德國對葡萄牙會「摸和」，葡萄牙雖然有C朗和拿尼，但德國球員整體質素較好！另一場睇好荷蘭，因為前鋒尹佩斯、中場史奈達和洛賓都好掂！
荷蘭進攻線強，唔擔心冇波入但後防弱，不過荷蘭好有冠軍相。至於另一場就睇好德國，因為葡萄牙C朗和拿尼合作性太差，成日獨食，冇默契！
荷蘭前鋒有尹佩斯，至少入三球，請丹麥食蛋！而德國就會險勝葡萄牙二比一，因為德國球員表現平均。
兩場波我睇好荷蘭和德國，不過冠軍梗係英格蘭啦！
