娜姐投保7位數 旺角高危開波

四年一度足球盛事「歐洲國家盃」今日凌晨終於開鑼，成為城中熱話，雖然昨日天文台發出今年首個酷熱天氣警告，但性感女神周秀娜無懼炎熱天氣，率領Monsterbeez成員Annie G.和Hailey C.兩位師妹，突襲旺角鬧市巡遊，三女即場化身足球天使於西洋菜街街頭派發歐國盃特刊「娜‧波號外」，短短一小時的突襲行動，已吸引數百波友和龍友圍觀，塞滿整個街頭，場面非常墟冚。

築人肉圍牆

由於旺角西洋菜街人頭湧湧，兼且早前發生鏹水彈事件，據知大會非常重視娜姐及Annie G.、Hailey C.的人身安全，故事前已為三女買重保險，惟因活動地點屬高危地帶，保險公司一度拒絕受保，幾經波折後終於為三人投保超過七位數字，而大會更請了6名保安，以「人肉三文治」保護三人，並於巡遊期間築起人肉圍牆，確保娜姐和師妹於活動中「唔會少條毛」。

娜姐率師妹殺入旺角派「歐國盃號外」，群情洶湧。	大批龍友瞄準Annie G.和Hailey C.「發炮」。	女神娜姐現身，師奶把握機會拍照。

娜姐與Hailey C.及Annie G.昨午約1時抵達旺角西洋菜街，數百龍友和粉絲聞風而至，娜姐未落車已有近半百人於車外守候，希望一睹這位性感女神風采，其後娜姐會合兩位師妹後，便開始反轉旺角街頭派發歐國盃號外，三女先由豉油街出發，再經山東街前往銀行中心，原本只需5分鐘的路程，因途人爭相伸手去搶娜姐手上的號外，結果眾人花了近半個小時才完成整個旺角巡遊之旅。

娜姐十分親民，與粉絲邊行邊傾。	娜姐未落車，粉絲已各就各位，準備與偶像近距離接觸。	Annie G.（右）和Hailey C.異口同聲會捉實男友一齊睇波。

巡遊期間不少途人高呼娜姐名字和舉機拍照，場面非常混亂，雖然保安已築起人牆慎防有人近距離接觸娜姐造成意外，但仍有兩名學生妹成功突破防線，於娜姐手上奪得號外，令她又驚又喜，而活動後不少粉絲亦把拍到的照片放上微博。

信警方天眼

事後娜姐表示雖然該區屬高危地帶及人多，但她不擔心自身安全和被抽水，她說︰「好感激大會安排保安，確保啲人唔會正面攻擊，而且呢區警方都好多天眼，感到人在做，警方天眼在看。」

於決賽日要工作的她又叫男友Avis拎飛捧場，乘機（目及）實對方。至於Hailey C.和Annie G.均異口同聲指會捉實男友一齊睇波，避免男友有艷遇，Annie G.說︰「我會同佢一齊打邊爐，咁佢可以睇波，而我可以食嘢，唔會悶親我。」

文︰專案組