熊黛林恨嫁 閃婚免談

名模熊黛林（Lynn）早前接受now觀星總部《海琪的天空》訪問，提到外間盛傳緋聞男友郭富城會於今年迎娶她，問Lynn現時可有想過結婚？她說：「想有個家，但唔係依家。（怕提郭富城個名？）係，呢三個字好敏感，唔想講得太多，影響其他人生活。」Lynn又言自己夢想的愛情只要兩個人開心便可：「有人祝福係好事，如果有一日有自己嘅家會同大家講，希望大家畀祝福，但唔係依家！」她又大讚城城為人孝順、事業心強及好人，初次見面覺得他有型靚仔，亦欣賞對方有禮貌及懂得尊重人。

自認幸福大女人

近年不少圈中人都會到私人島嶼結婚，Lynn坦言任何方式結婚都不介意，但要兩個人有溝通，尊重彼此意見，但就不接受突然結婚：「一時興起唔得，要經過長時間，心理成熟去做，唔想喺拉斯維加斯結婚，因為知嗰邊結得易、離得易，唔鍾意。」Lynn直言覺得自己現時是幸福女人，因有自己的生活，身邊亦有關心及愛錫自己的家人及朋友。

郭富城早前與母親慶祝母親節，難怪獲緋聞女友大讚孝順。（資料圖片）

熊黛林接受海琪訪問，大談愛情觀。

當年今日的辛酸

Lynn又大談以前工作的辛酸：「最難捱嘅時候試過一個月得一千蚊，但嗰啲錢要拎嚟交租，連食飯錢都冇！最窮時試過身上得廿幾蚊，都唔記得嗰陣時係點捱！」她自言是報喜不報憂的人，故從沒與家人說過當年的生活，但正因那段辛苦的日子才能造就出今日的自己。

文：音樂組