徐淑敏拍拖歐遊學調香水
徐淑敏（Suki）發展演藝事業之餘，最近更密謀從商，從事香水生意，一派女強人之勢。日前她與老公黃浩靜雞雞拍拖離港，到歐洲一帶「取經」，二人更打算到南法盛產香水之地Grasse學習調校香水，相當認真。
兩夫妻預算歐遊半個月，黃浩笑謂：「好彩冇帶埋對囡囡嚟，因為行程都好辛苦，經常要坐長途車。頭先Suki因為冇零錢，攞住張500蚊紙（歐元）去買雪糕，對方左照右驗，好搞笑囉，好彩最終都肯做我哋生意。」
旅途期間黃浩不忘在facebook內分批上載美食及入住豪華酒店相片，似乎相當享受今次的「二人世界」。