甄詠珊轉做才女出賣朋友
曾是歌手的甄詠珊轉型做才女填詞，蜜運中的她承認填慘情歌詞有難度，因此不惜出賣朋友情史，最近她為「翻版周杰倫」陳日豐寫歌，大爆對方十分癡情！
前Freeze成員甄詠珊近期忙於做主持及搞生意，但原來她能寫得一手好詞，早前她曾為舊愛郭力行填詞，但可惜對方另有發展而未有發布歌曲，最近她養精蓄銳再做才女，問到靈感來源，小珊表示最喜歡看愛情電影及「出賣朋友」：「唔少作品都係身邊朋友嘅故事，唔一定寫自己嘅，不過呢排我啱啱拍拖，但又要寫單身女仔嘅心態，真係有啲困難，要學識抽離先得！」
演情侶相熟
最近小珊與歌手「翻版周杰倫」陳日豐合作，兩人去年因在舞台劇《秒速18米》演情侶而相熟，小珊除了笑日豐勁似周杰倫外，亦不忘讚他勤力：「佢每刻都諗緊點寫好啲歌，覺得佢好有Heart！」日豐亦讚小珊為人率真，因而促成兩人炮製新歌《為何》。
問到新歌內容是否個人感情投射？日豐表示作曲時正值失戀，收到歌詞後更添感觸，小珊則表示歌詞是為日豐度身訂造，更踢爆他非常癡情：「其實我同佢舊愛都識，聽過日豐話仲好掛住個女仔，我覺得佢哋好襯o架！好可惜。」尷尬的日豐即死撐不覺得寫中自己：「其實有幾句唔係好明，因為好似詩咁，要小珊電話解釋番。」
反映愛情觀
小珊又表示不少情侶分手後總會問點解，當中一句「冷靜過去了零時間越疏的遠」亦反映其愛情觀：「我唔贊成冷靜！兩個人一靜落嚟就冇咗愛火，一定要盡快解決問題。」
採訪：立影
攝影：沈健程
場地：Vocal Stage