羅力威想羽翹捧場
「星光幫」羅力威年初加盟英皇做容祖兒師弟，即獲唱片公司力捧，除為他月底推出處男專輯外，更於八月一及二日假九展舉行兩場演唱會，門票昨日凌晨在網上預先訂購，短短5分鐘火速售罄，英皇決定加開八月三日合共3場，羅力威笑指有此佳績算「執到」。
望踏足紅館
羅力威昨日在電話中說：「好開心，今次係第2次開騷，多謝歌迷支持。」他坦言不知道加場，當記者報喜時，羅力威開心說：「好喎，會唱好啲同動聽啲答謝歌迷，真係好感恩，一直抱住唔放棄信念，今次苦盡甘來。」問到下一站是否紅館？他說：「梗係想，去紅館做騷做得多，希望月底出嘅專輯有好成績，可以盡快上紅館舞台。」
拒絕獻舞技
問到個唱中會否表演舞技？文靜的羅力威表示跳舞環節留給紅館，當問到會否邀請緋聞女友羽翹捧場？羅力威避談說：「首先要問公司有冇飛留畀我，自己都想所有朋友嚟睇騷。」
文：音樂組