唐寧愛之旅 痛心落淚
唐寧早前跟隨慈善團體到西安探訪留守兒童，由於大部分留守兒童的成長道路比一般小孩崎嶇，生活環境亦欠佳，探訪期間令她不時流下心痛的眼淚，她認為要幫助他們，除捐錢外，適當的關懷亦很重要。
已為人母的藝人唐寧（Leila）早前隨國際培幼會到西安淳化縣，探訪當地的留守兒童（因父母外出打工而被留守家鄉或寄宿在親戚家的兒童）。愛心爆棚的Leila，每次也強忍淚水聆聽留守兒童的悲慘故事。
女孩遭父母拋棄
在多個探訪個案中，Leila最深刻的是一位自小遭雙親拋棄的女孩，她說：「佢今年十二歲，跟爺爺嫲嫲家住深山嘅山谷，因為嫲嫲斷過腳，所以仲要照顧啲長輩。喺佢四歲嘅時候，父母拋棄佢，最心痛係當問佢對爸爸媽媽有何印象時，佢竟然話無。其實四歲好多嘢都知道同記得，我覺得佢係唔想再提父母，其後佢同我講話好嬲爹哋媽咪。」雖然如此，唐寧相信女孩的父母應有很大難處才會狠下心來，她說：「做咗媽咪後，明白仔女對自己有幾咁重要，希望佢哋有日會返嚟搵番個女，一家團圓。」
生活環境極差劣
Leila除了為留守兒童的悲慘遭遇難過外，差劣的生活環境亦讓她大感心痛：「我跟個女仔去打水，初時以為去水窖，原來個水窖只係一池死水，仲有好多小昆蟲，好明顯係積存嘅雨水，佢哋用呢啲水煮食，衞生環境亦好差。」
此外，Leila也關注他們的成長及將來：「因為無法讀書，我擔心佢哋會逐步脫離外面嘅世界，永遠留喺個咁差嘅環境度，直到出嫁嗰日。」為免悲劇再發生，唐寧呼籲大家要多關注留守兒童：「雖然佢哋無父母常伴，但好開心有助養人士除咗捐錢，仲會定時寄信畀佢哋，令孤獨嘅佢哋得到溫暖，明白到人間有愛。」
文：影視組