JC喪踢小祖名 罩都凹埋

房祖名與Jessica C.在電影《寶島雙雄》首次合作，二人在戲中有大量的動作場面。房祖名更隱瞞母親林鳳嬌親身上陣，其中一場戲由三樓跳下，亦稱只是特技效果而已。導演張訓瑋直言拍攝這場戲令武術導演壓力增加，擔心有意外不知怎向成龍和林鳳嬌交代。房祖名指近日父親不停為他的新片做宣傳，他直言感到不習慣，他說：「當有個人成日打你，但突然間對住你笑，係咪會好驚呢？」

痛到流眼淚

另外，戲中Jessica C.亦向房祖名下體出擊施襲，祖名憶述下體被踢時仍猶有餘悸，他說：「戲入面畀Jessica C.踢咗幾十次，有幾次真係踢中，雖然戴咗護罩，但佢踏到護罩都凹埋，痛到眼水標埋出嚟，仲要不停四圍行，分散注意力紓緩痛楚。」

JC大讚祖名幽默，笑言希望可與對方再「拍拖」。

祖名於電影中亦不甘示弱向JC施以胸襲。

做打女減肥

而Jessica C.憶述當時情景竟表現興奮，她表示拍攝前都有試位，但愈踢我愈大力控制唔到自己，連自己也找不到目標便踢埋去，有時仲會衝住跳起踢。Jessica C.指片場中房祖名很幽默，問到對方是否心目中的男友類型，她笑言祖名亦有做男友的元素，但自己未有打算拍拖，惟有寄望再在電影上合作與他拍拖而已。戲中Jessica C.有大量動作場面，她直言很愛做打女，因可以拍片之餘同時修身當減肥。

文：影視組