趙碩之火速斬纜

Wylie早前被本報拍得她跟三十多歲富商Danny在夜店狂歡攬啜舌戰，事後她亦承認拍拖數月，但最近男方被踢爆是有婦之夫之餘，還有兒有女！令Wylie成為小三，不過她表示男友向她透露已分居。

有妻有子

記者昨就此事致電Wylie，對於自己成為「小三」，她情緒低落地說：「『小三』係一個破壞別人婚姻嘅女人，我識佢嘅時候，大家只係朋友關係，所以我唔會去細問佢嘅婚姻狀況，之後我哋感情慢慢發展，我亦知佢有個七歲嘅小朋友，因為佢冇特別講，我咪覺得佢已經搞掂咗之前段婚姻關係。點知上個月，你哋影到我同佢拍拖，有朋友睇到就提醒我，佢好似未搞掂之前嘅婚姻關係，咁我咪第一時間問番佢，佢就同我講，同太太分居咗四年。」

趙碩之與男友Danny正打得火熱，卻未摸清對方底蘊。

情到濃時，趙碩之與男友激咀。

唔覺被騙

後來Wylie得知對方尚未跟太太搞清離婚手續，登時覺得需要將對方之關係「降級」，她說：「我唔想畀人話係小三，我爸爸媽媽聽到呢個消息都好唔開心，所以我同佢依家嘅關係變番朋友，等佢解決咗複雜嘅婚姻關係，先再作打算。（有冇覺得被騙？）唔覺，係我之前冇問清楚。」

文：影視組