法拉唱Live失準 肉緊標淚
陳法拉前晚大騷玉背出席無綫音樂節目錄影，首次以歌手身份上節目的她事前多番練歌，雖然台型十足，但唱現場卻要重錄第四次，唱片公司高層才「收貨」，實力有待改進的法拉事後解釋：「諗起首歌嘅寂寞，啲眼淚就標出嚟！」
法拉、陳偉霆與鍾舒漫等前晚出席《勁歌金曲》錄影，大晒白滑玉背的法拉謂：「因為我係第一次以歌手身份出席呢個節目，仲要唱現場，所以我好隆重其事。（緊張？）會呀，所以練咗好多次。」
法拉坦言獻唱廣東話歌及高音部分甚具難度，當她錄影時，頭兩次因甩嘴及唱不到高音位而需重錄，雖然第三次勉強過關，但其唱片公司高層力求完美，要求她再多錄一次。法拉事後解釋：「我有啲緊張，同埋唱嗰時太投入，諗起首歌嘅寂寞，啲眼淚就標出嚟！（滿意表現？）OK啦！（有幾分？）唔知呀！《勁歌》又冇評分制。」
陳偉霆冇得性感
將於七月出碟的法拉，被問知否「妯娌」諸葛紫岐亦會推出唱片？她冷淡說：「冇聽講，OK！」再問怕不怕打對台時，她即回復大方說：「點會呢？依家香港樂壇咁少歌，都希望百花齊放，有良性競爭。」她又稱不怕外界將二人作比較：「做好自己就夠。」
同場的陳偉霆透露為了新歌《女皇》而操fit拍MV：「着得幾少布㗎！不過因為畀之前新聞（劉定成事件）搞一搞，所以要Cut造型，都幾可惜。」問到造型有幾性感？他笑稱：「上身有兩條帶，然後加一條半透明leggings。」
文：影視組