林嘉欣未驚過 最多法庭見
林嘉欣母親近日盛傳與契女賈辰穎有錢債糾紛，涉及金額約40萬加拿大元（約298萬港元），契女還向溫哥華警方報案，結果此事令嘉欣母女關係決裂。不過身在香港的嘉欣昨日卻否認，表示兩母女有聯絡，母親近日心情低落，故寄望事件能和平解決。
無意改電話
嘉欣直言今次雙方乃生意上不和，雖然對方報警求助，但基於錢銀方面是雙方私下協議，所以不能作刑事起訴，更指賈母為求拿回該筆錢，自一個月前起已每星期致電找她，她謂：「佢話如果我唔畀錢，就會將啲消息大量發放出去，每次佢都好勞氣，我反而好平心靜氣聽，媽咪問我點解唔改電話，但我認為我冇做過，又冇牽涉件事，所以咪面對佢囉！如果真係要告上法庭就法庭見！」
問到有否為此事求證母親，嘉欣表示有聽取母親及賈媽媽的版本，有感雙方均有自己角度，所以也不敢100%盡信母親，只是奉勸母親下次要小心一點，對於與賈辰穎的關係，嘉欣謂：「我只係聽媽咪講過，網上張相係第一次見佢，咁耐以嚟私下冇聯絡（人哋話送過名牌袋畀你！）就係嗰次送咗個名牌環保袋，我可以畀番佢，都冇用過，環保袋屋企大把啦！」
文：影視組