周秀娜生B 未必揾Avis

周秀娜男友陳偉成（Avis），早前在電影《喜愛夜蒲2》與模媽Mia（陳靜儀）拍攝床上肉搏戲動了真情，因而傳出緋聞。前晚一眾好友為同樣是五月牛一的Avis及娜姐補祝生日，於中環歌賦街一間餐廳開P慶祝，同場有曾與周秀娜傳緋聞的電影監製黃永峰（Charlie）、林子善及多名友人，但卻沒有預娜姐「情敵」Mia。

生日P由曾與周秀娜傳緋聞的黃永峰（右）請客。	Avis不停跟場內一名小女孩玩耍。	娜姐經常在男友身後扮鬼臉滿場飛，更不時擺出趣怪表情。

風騷滿場飛

席上見娜姐以女主人身份，不時孖住男友跟友人拍照，當Avis與友人單獨合照時，娜姐更做「攝石人」在其身後扮鬼臉滿場飛，表現風騷。期間見Avis與娜姐不停跟場內一名小女孩玩耍。至中段時間，Avis與監製黃永峰步出，並表示今晚是由黃監製請客。問到Avis與小女孩玩得好開心，是否想生小朋友？Avis說：「我不嬲都鍾意小朋友嘅。（結婚生番個？）呢啲唔會咁快啦，遲啲啦！遲啲一定會嘅。」對於早前與Mia拍床戲，女友會否唔鍾意？他說：「完咗啦！唔會唔鍾意嘅，做嘢啫！」

拒現場咀嘴

盡興至凌晨12時半眾人陸續離開，記者要求兩位主角錫錫，向來「順得人」的娜姐及Avis竟未有理會。問娜姐送了甚麼禮物給男友？她說：「好大件，神秘禮物，唔好意思講。」提到男友鍾意小朋友，問會否計劃生仔？娜姐說：「我都鍾意小朋友，生小朋友係人生階段之一，係一件偉大嘅事。」對於男友之前曳曳，問到怕不怕BB似男友？娜姐笑言：「唔怕，未有定數，第時做Daddy嗰個係咪佢都未知。」其後兩人齊齊返回西環寓所。

昨日Avis在電話訪問中表示：「當晚係Charlie吹雞叫人幫我同娜姐補祝生日。（有否咀嘴求婚？）未咁快求，成日都咀，唔使現場咀啦！」

文、攝：追蹤組