杏兒暴重10磅 30年來首次有pat
胡杏兒、鍾嘉欣及歐陽震華（Bobby）等昨出席劇集《耀舞長安》的宣傳，期間Bobby穿上肚兜玩遊戲，甚是滑稽。對於收視，杏兒謂：「聽講都有29點，算係中上o架啦！」劇集今個星期大結局，Bobby慷慨表示請眾主角一齊食飯睇結局，但鍾嘉欣因忙於拍新劇，未知能否出席飯局。
杏兒表示最近因回內地拍劇而暴重十磅：「我下盤係重災區，我30年來都冇pat pat，（上圍？）冇量過呀！」至於鍾嘉欣早前被傳要慳錢儲其患病的胞姐的醫藥費，昨她澄清：「我家姐好健康。（慳妹？）我屋企冇工人，食飯都要落街市買餸o架！我份人比較實際，而且節儉係美德。」
