吳彥祖寸劉定成博見報

型男吳彥祖前晚出席北京活動，對被指涉嫌捲入富商劉定成的裸照案，他澄清不認識對方：「只係當年我同馮德倫拍嘅電影《美少年之戀》中，有個角色係抄佢（劉定成）。（但佢暗示你有份？）好明顯佢係想搵頭條畀自己。（將劉定成案件拍成戲？）唔夠商業，我諗冇乜人睇，其實我最驚訝係隔咗咁耐先捉到佢。（佢公開藝人名字係缺德？）我覺得最奇怪係點解啲警察會影？」吳彥祖表示入行以來未被邀請過拍裸照，而模特兒太太Lisa S.亦冇拍過。另外，他表示現在港拍攝自導自演的漫畫式電影，由於在港拍攝，所以多咗機會與太太造人，並揚言目標是今年造人成功。