康城電影節乃一年一度的盛大影展，所有國際紅星都盛裝打扮出席，又是女星爭妍鬥麗的最佳時機。雖然眾女悉心挑選不同品牌的Wedding Dress行紅地氈，但要看起來高貴華麗又出眾，襯托合適的配件亦是非常重要，以今季大熱的花卉圖案來作長裙配飾，包沒出錯！名衣美女難比高下，就讓時裝作家王麗儀（Janice）提供專業的眼光吧！
冇咗青春氣息，條裙好多嘢，有累贅感覺。而且個髮型有啲娘，亦唔襯條裙。
好靚！高貴典雅有大將之風，雖然大Deep V，但係着得非常健康唔暴露。
好普通，冇乜裝扮過咁，應該要花點心思去揀裙同化妝。
條裙其實靚，本身可以好搶眼，可惜同紅地氈撞咗色，而且佢腰比較粗，唔啱着咁貼身嘅裙。
西方Cutting嘅裙配中國式Print好時尚，個髮型大家會覺得日本風，但其實係魏晉南北朝風，同條裙好Match，而且娃娃眼妝令人留下印象。
最好睇！好有女王氣勢，古希臘風的裙，裙嘅顏色亦好match佢白滑嘅皮膚，而珠寶亦配搭得啱啱好。
70年代的風格，啱着去Pool Side Party，去康城影展唔夠矚目、耀眼，而且條裙尾太長，應該要改短啲。
名模真係名模，對時裝嘅觸覺係非常好。條裙本身已經靚，加上化妝、髮型都好美，對佢完全無難度。
王麗儀（Janice Wong），時裝作家及博客（Blogger），16年前首位華語媒體的時裝編輯，遠赴歐美時裝周作報道。她經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」，香港Yahoo更稱譽她為「時裝文化人」，最新暢銷著作《我的時尚騷靈》。